Castellano
Detalle trámite
O procedemento "servizo de axuda a domicilio" pretende xestionar a demanda dun conxunto de atencións, dende unha perspectiva integral e nomalizadora, de toda a poboación do municipio, na casa, naquelas situacións en que a autonomía persoal se vexa limitada, ou naqueles casos de desintegración familiar. En xeral, persegue xestionar o servizo de axuda a domicilio proporcionado polo Concello.
Calquera persoa física ou xurídica que desexe solicitar o servizo de axuda a domicilio.
Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
- Solicitude de axuda a domicilio.
- Fotocopia do DNI da persoa beneficiaria do servizo e das persoas que convivan no mesmo domicilio, de ser o caso.
- Fotocopia da tarxeta sanitaria da persoa beneficiaria.
- Informe médico ou clínico sobre o seu estado de saúde.
- Certificado de discapacidade e/ou Certificado de Grao e Nivel de Dependencia (acceso a persoas valoradas dependentes), de ser o caso.
- Xustificante de ingresos de todas as persoas que forman a unidade de convivencia.
- Fotocopia da última declaración da renda ou na súa falta certificado de imputacións do IRPF expedido pola Axencia Tributaria.
- Certificado de todos os ingresos procedentes de salarios, pensións e subsidios e outros bens que posúan.
- Xustificante de aluguer de vivenda, de ser o caso.
- Calquera outra documentación que sexa requirida polo Traballador/a Social para valorar o seu expediente.
-
Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo.
-
Decreto 99/2012, de 16 de marzo, polo que se regulan os servizos sociais comunitarios e o seu financiamento.
-
Orde do 22 de xaneiro de 2009 pola que se regula o servizo de axuda no fogar.
-
Lei 13/2008, do 13 de decembro, de servizos sociais de Galicia.
Nome: Solicitude do servizo de axuda a domicilio.
Unidade tramitadora: Servizos Sociais.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía.
Recurso aplicable: Potestativo de reposición e/ou contencioso administrativo.
Taxas/Impostos: Consultar a ordenanza municipal do apartado de normativa.
Canles de atención: Telemático (Iniciar trámite).
Presencial.
